تيجوا نعمل تيار
زمان كانت جدتى عشان الكتمه تقوم تعمل فى البيت تيار بفكره بسيطه
ومفتكسه فى نفس الوقت .تفتح الشباك مع البلكونه وبواب الشقه ونقعد فى الوسط كلنا زى المفاضيح
تلاقى الطراوا ضاربه فيك من كل اتجاه
والتيارات حاليا على قفا من يشيل (يسارىوناصرى وشيوعى وليبرالى وتقدمى وايمنجى)رغم انى شش عارفا يعنى ايه تقدمى
وعندك اشتراكى وتصدقوا بالله فيه تيار ديمقراطى وكتاب الله تقريبا طالع من سلك عريان بس
الغريبه ان التيار دا معاه فكر جديد نازل بسلطاته وباب غنوجه كول كووووووووووول يعنى
جديد اوى اجدد من فكر وبس او فكرك ايه؟؟؟
والفكر الجديد ده مديل 2006/2007
الى ما شاء الله دريكسيون شمال اول ما تركبه يطلع بيك ع المستقبل على طول وانت سايب ايدك ورجلك ودماغك طبعا
لا يوجد عندى اى اعتراض على التيارات ولا الساده التيارين لكن لما يكون الجو السياسى صحى يبقى نعمل تيارات مختلفه كل واحد وفكرره وللتنوع على الاقل نعرف نمارسها
لكن حاليا احنا محتاجين تيار واحد زى بتاع جدتى يعنى بلكونه لازم تتفتح مع الشباك مع الباب فى وقت واحد
يقوم يحصل التيار الجامد وييجى الهوا ونعرف نتنفس
وقتها بس كل واحد يختار اتجاه التيار السياسى بتاعه يتنفس منه ويدافع عنه ويحترمه ويحترمنا
اعتقد ان هوه ده الحراك بجد
على فكره نفسى قوى اجررب الحراك السياسى ده بيقولوا عليه جميل اوى مع اللبن البودره
