المذيعة: سياده الرئيس ايه رأى حضرتك ف الفساد المستشرى ف البلد وأثره على الشعب
الرئيس: حالياٌ ولا مستقبلاً؟؟
المذيعة: اللى تحبه يا فندم حالياٌ مثلاٌ؟
الرئيس: حالياٌ الشعب يخبط دماغه ف الحيط
المذيعة: طب ومستقبلاٌ يا فندم؟؟
الرئيس: برضه هيخبط دماغه فى الحيط
المذيعة: طب يا فندم تقول ايه للشعب عن حوادث القطارات والعبّارات والطرق
الرئيس: حالياٌ ولا مستقبلاً؟؟
المذيعة: يا فندم عادى اكيد حالياٌ
الرئيس: لا اصلها تفرق حالياٌ يولع بجاز
المذيعة: طب ومستقبلاٌ يا فندم ؟؟
الرئيس: اه مستقبلاٌ بقا هيولع برضوه بجاز
المذيعة: وبالنسبه يا فندم للاصلاح السياسى والديمقراطيه ومشاكل المياه وكده يعنى
الرئيس: حالياٌ ولا مستقبلاً؟؟
المذيعة: تانى يا فندم ؟ حالياٌ طبعا
الرئيس: اه حالياٌ يشرب من البحر
المذيعة: طب ومستقبلاٌ؟؟
الرئيس: هنا الوضع يختلف برضو هيشرب من البحر
المذيعة: ايه يا فندم حكايه حاليا ومستقبلاٌ وف الاخر الاقى نفس الاجابه
الرئيس: يا بنتى اصل بصراحه الشعب حالياٌ انا مسئول عنه
المذيعة: طب ومستقبلاٌ يا فندم
الرئيس: مستقبلاٌ انا برضو اللى مسئول عنه