عجبنى قوى البوست اللى كتبة صديقى المدون القمحاوى
بداية من عنوانة
فالعنوان فى حد ذاتة هو بوست كامل غير مكتوب ((كان نفسى اكون إلة.. بس مفيش نصيب))فى زمن من السهل ان تكون إله
وبكل بساطة اعتمادا على حظك فى من هو والدك.
البوست استعرض بعض الألهة الأغريقية التى كان يتمناها القمحاوى فى الخيال بسبب تخصصاتهم ودة برضو يخلينا نتوقف فالحكمة لها الة والقوة الة اخر يعنى الحكاية ماكنتش بامية عند الألهة كانت تخصصات مش زى عندنا
هوة الة اغريقى واحد متعدد المواهب زى الطفلة المعجزة ترقص وتمثل وتغنى
الالة دة يمتلك القوة والاستبداد والحكمة وربان السفينة والقوات المسلحة وراعى العلم والمعرفة والثقافة والفن
والشعب والشورى والتنفيذية والتشريعية والحزب الحاكم وانا وانت ودينيا هوولى امرنا.
وانتقل البوست الى التعليقات الساخرة بين اصدقائة ودى فى حد ذاتها عميقة جدا
وردى عليك يا قمحاوى
انك لوعايز تبقى الة اغريقى فى اخيال الفرصة لسة سنيحة الإلة الموجود حاليا برضو
اكرر فى الخيال
بيفيّص وعمرة الأفتراضى خلاص على 2011 وسيبك من اشاعة ابنة هايمسك مكانة لأن ابنة عجوة
وهوة عارف ان الكفار كانو بياكلو الألة العجوة
ثانيا والدليل على انة مش هيمسك انة كل يوم بيبيعها حتة حتة وعلى انتهاء المدة هيبقى مفيش حاجة يحكمها وهيفلسع على اى حتة
لان ثروات البلد حتى الارض بح هايقعد يدير الرعاع هيأكلهم منين؟
بلاش قرف فلو عايز تبقى إلة اغريقى فى الخيال اتصل بابنة وخلص معاة
وهوة دماغة حلوة وهايخلص فى الكرسى لأعلى سعر
ولو مامعكش فلوس اتصل بقى بزيرو تسعمية وانت وحظك
اما بالنسبة لأحتلال جبل اولمب والعملية الاستشهادية دى خيابة الى متعرفوش ان الامن المركزى نزل جبل اولمب
بأوامر من زيوس ذات نفسيتة من اسبوع وطرد كل سكانة من الالهة
ونزع ملكيتة وهايبيعة لمستثمر سعودى يعملة مراحيض عامة كالعادة
وعرفت ان الألهة هاتعمل وقفة احتجاجية على سلم نقابة الصحفيين
مع حركة كفاية ولجنة الحريات وطالبين من عادل ميت يعملهم بانرات مساندة
نرفعها فى مدوناتنا زى( ارفعوا ايديكم عن جبل اولمب )وكدة بس عادل طالب منهم مقابل كدة يضغطولة على الاعلانات فى الموقع بتاعة عشان البيزنس وانت فاهم عادل
بالنسبة للجدل حول من هى اجمل الجميلات فى الاساطير الاغريقية
هيلين بتاعة طروادة
وللا بسايكى بتاعة المطرية
انا فى رأيى اجمل بنت والله صباح بتاعة السمك اللى باجيب منها علطول
اما الأخ هوارى
الى طلب اواتمنى تخيلا يعنى يكون نبى اغريقى فى الاساطير فى حالة لوانت الة اغريقى
( وباخد بالى اهوة فى الاساطير عشان مش عارفين التهمة هاتتعمل ازاى )
بحكم الصداقة اياك ثم اياك بلاش الهوارى هاينسى يدعو للدين وهايدعو الناس يسمعو تيت راديو
وبعدين انت فى عصر الحداثة ودور المرأة مهم واعتقد انك تسيبك من الهوارى وخلينى انا فى خيالك يا عم الإلة
برافو يا احمد
