تنظيم الترمس من اجل التغيير
__________________________
موضوع الاء مش موضوع التعبير لا الموقف اجماليا
...عندما تم اعطاء اهتمام شديد لما حدث للطفله!اعلاميا حتى وصل الخبر الى احدى وكالات الانباء الفرنسيه اعتقد كان الموضوع هتكون نهايته غير كده
يعنى لو مثلا تخيلنا النهايه التانيه اما حرمان او دخول دور تانى او ممكن يطبق عليها القانون الجديد...والقانون الجديد عاوز زباين جديده والزباين الجديده اللى طالعه ما شاء الّله كلها تحت السن مما اعتقد انه يستدعى على الحكومه عمل سجون خاصه للناشئين السياسين
ودول غير الناشطين. والقسم الجديد ده لطلبه اعدادى وثانوى وابتدائى "
- على فكره انا كنت هتورط بدون قصد منى ويشهد الله فى التهمه الجديده
" اهانه السيد الرئيس حفظه الله" ولكن ربنا ستروكل مصرى وطنى شريف لازم ينتبه حتى لايقع فى هذا الخطأ
- الحاقد المنشق السياسى بتاع الترمس من كام يوم بيدينى الترمس
من جرنال الاهرام وكان عليه صوره الرئيس ..طيب مش دى اهانه وينطبق عليها القانون ؟
لكن على مين انا بذكائى وفطنتى وولائى عرفت انه كمين اما يكون عم عوض بتاع الترمس منشق سياسى ومتنكر منذ 20سنه وعايزنى انضم
للتنظيم "ترمس من اجل التغيير او يكون من رجال الامن وبيختبرنى ؟ وماله من حقهم رجال الامن الان منتشرين فى كل حته
"اقرب من ضحكتى لشفايفى.اقرب من احساسى لقلبى"
وانا علطول فكرت لو خدت القرطاس وعليه الصوره وده يندرج تحت طائله القانون الجديد...وانا بصراحه ماليش مزاج السنه دى اندرج تحت اى حاجه ...ولو من رجال الامن وبيختبرنى لازم اديله درس فى الوطنيه وان شعب مصر بيحب مصر وحياه ربنا واللى قال
للحكومه اننا بننتقدها عشان ولاءنا وانتمائنا اصلا لاثيوبيا كذاب ومغرض.
فكان الرد الحاسم لكى اعطى لكل مصرى درس فى الوطنيه وكيف يكون الولاء وقمت كما قام رائدنا فى الوطنيه مين؟ اظن هتقولى الشرقاوى وعلاء والابراشى والكلام دا لا اطلاقا النموذج الجديد الذى تقدمه لنا الدوله الان هو "حسن البياع" مدّرس الاء
اللى بلغ عنها .قلت حسن البياع مش وطنى اكتر منى زابلغت عن بتاع الترمس . لاثبت ولاءى وانتماءى لمصر والرئيس
وبهذا ترضى عنا الحكومه وتسمح لى بشرف العيش على ارض مصر وسف ترابها الغالى.
,ولولا الاعلام واهتمامه بقضيه الاء وهى قضيه رمزيه لولا الفضائيات ووكالات الانباء ما تم حل موضوع الاء فقد خاف اى مسئول من اتخاذ اى قرار تدخل دور تانى والا تعيد السنهوالا نجوزها وتقعد فى البيت ؟ ما حدش عرف يا خد قرار من الاداره حتى رئيس مجلس الشعب. وبما ان رئيسنا بيسمع عننا من بره ولولا بالحظ الخبر تم تداوله فى فرنسا ما تم حل موضوع بسيط زى دا
طيب واللى عندو موضوع بجد او كارثه او مشكله او ازمه وصوته مش واصل لفرنسا او اوربت او دريم يعمل ايه؟الرئيس بس هو اللى فى ايده مصائرنا وارواحنا بعد ربنا. مشيها بعد ربنا نوصل له ازاى ؟ ده احنا حاجه وسبعين مليون بنى ادم حياتنا تتوقف على كلمه منو لخوف الحكومه ومجلسها من اتخاذ اى قرار.
على الشعب كله ان يتجه الى الفضائيات العربيه ويا حبذا الاجنبيه
قائلا.................وانا والنبى يا ريس
.
