- فى بلد العسكر
......فى بلد العسكر.
ممنوع على الطفله الاء فى التعبير تستجرى تعبر
ممنوع على مالك واصحابه يغلطوا فى الذات الملكيه
دى قضيه
يخدوه فى السجن ليستغفر
....فى بلد العسكر
فيه مجلس شعب:نوابه من شعبه غلابه
ومش اكترمنزوع اصواتهم ...مرفوض احاطاتهم
نواب موجوده عشان العسكر بيهم تتمنظر
لكن تستجوب..تتملعن..تسال عن فسده تستفسر
تتحول عبره لكل الشعب ..لعله المخفى يستعبر
....فى بلد العسكر
.كلو مهان طلبه وقضاه واساتذه جامعه
تنداس بالجزمه وتتكدر
قوانين ع الكيف وبتتمرر
لا مانعها قضاء ولا دين ولا دستور
قال شعبى هو المصدر
....فى بلد العسكرالارض الخضرا لجل عيون الساده بتتسقع
واللون الربانى الاخضر
بالامر الصبح صبح اصفر
ممنوع ع الصحفى يسال ليه؟ومنين؟
او حتى يفكر
ويقول للباشا مالك من فين اياه يستجرى
دا لو يقدر
مسموح له يهجص فى الهيافات والا هيبقى يومه اغبر
بلا وعى سياسى ديمقراطى ريحّ وارتاح او استحمر
لكن تتكلم ع الفاسدين ممنوع
وكبير الفسده يبقى اكبر
..فى بلد العسكر
عسكر تزعق فى الشعب تقولله :امنى لن يقهر
اللّه اكبر
- انا
