بما ان الشعب كان مخنوق ومش طايق عيشته واللمبى مايرضيهوش كده ااطلاكا قرر يعمل حركه هو كمان مش حركه ناقصه لا ابسليوتلى دى حركه جدعنه سياسيه للتصليح الاساسى اجدع من حركه على علوكه واشرف فوخه للتغيير . وسماها حركه اللمبى من اجل التغيير ولما سالناه تغيير ايه ؟. قال تغيير اى حاجه المنطلون او تغيير ع الجرح اللى فى دراعه من ضربه المطوا اللى واخدها امبارح
المهم تغيير علشان ربنا ميرضاش بالظلم ............كتب اللمبى كل طلبات اهله وناس حتته وحبايبه
من الشعب وقعد على قهوه المصرييت وضرب له شريطين برشام وراح محدوف راكب العجله وطالع على اكبر دماغ فى البلد
علشان هو عامل دماغ عاليه ومش هيفهمه غير ناس عاليين زيه وطول الطريق اللمبى كان بيراجع المطالب فى دماغه وهيقولها ازاى
اولا
لازم نحافظ على حموم الانسان لان الانسان فى كل الاديان ربنا ممكرمه وسعادتك انتو بالنسبه للاديان بتسبوها وبالنسبه للانسان انتو بتعلقوه على اساس انو مكرمه سعادتك
ثانيا
حاجه يا باشا القضاه يعنى عداله يعنى الناس اللى بتمشى عدّل مش بتتطوح يا ريت يا باشا مالكوش دعوه بيهم لحسن هتغابى عليكم ثالث حاجه اطالب من هذا المزنق تلغوا قانون طارىء بيه وعيلته الطوارىء كلها انا عارف غلاوته عندكو بس الناس مخنوقه يا باشاوهنعوضها له فى واجب تانى
الحريّات يا باشا
. الناس محروره وجالها تسلخات من الكتمه سعادتك يا تشوفولها مراهم يا تسيبوها تعالج نفسها بشوقها سعادتك
السرقه والفساد والتوريث
السرقه والفساد والتوريث
دا لا يا باشا لا خالص ابسليوتلى الوطن سعادتك مش عربيه كبده كل اللى يشوفو يا كل منه سندوشت ونظام ماتقولش ايه ادتنا عربيه الكبده؟؟ ماينفعش حضرت كقله ادب ع الحريم يا باشا تانى مش هسمح هاسيب عليكم خالتى اطاطا وامى لان دول عرضنا وطولنا وشرفنا حضرتك ولان الرجوله مش ضرب الحريم الرجوله هز الكتاف سعادتك بالمختصر المزيل همه خمسه وتلاتين كلمه هقولهم سعادتك
هاتتلزم بالقوانين حتبقى صاحبى وحبيبى وكفاءه وجدعنه
مش هتتلزم؟؟؟ماشى ابقى اتفكرها ........
هنعمل ثوره فى البلد ونطالب بالاستكلال والازبهلال التام او الموت الزكام وسيف بسيف وراجل لراجل فى الميدان ورينى سعادتك قوات "عموم الوطن" هتعمل لك ايه؟؟؟؟وفضل اللمبى يراجع المطالب ف دماغه العاليه كان وصل وسط البلد والمظاهرات شغاله ومش واخد باله ما فاقش الاعلى كلمه هاتوا الواد داقعد اللمبى يحلف لهم مين يمين وشمال وهوه متعلق فى انه كان رايح يجيب ازازه
بيره لامه والورقه دى ما يعرفش عنها حاجه وعم بخ هو اللى دسها له لانه قائد الجناح العسكرى
لتنظيم بير الزلم اللى بيتزعمه المليجى واخته اوشه ولا حد عبره
اللمبى حاليا متعلق زى المكرميه واللى طالع عليه
"اللمبى فيشل يا بنى ادمين"
