فى احد الجروبات على الفيس بوك
طرح الصديق: وليد سعيد سؤال مهم جدا: لو امريكا فتحت باب الهجرة لمدة 48 ساعة هتسافر وللا لأ؟
.ناس خدتة بتهريج وناس خدتة بجد وناس اجاباتها نعم وناس اجاباتها لااااانا
لما شفت السؤال قلت طبعا لا زى اى حد مننا عشان دول ولاد مش عارف اية واية وممكن اكتب بوست كامل فى الاسباب او سباب فى اسباب الرفض المهم قلت فى ذات نفسى بكرة هادخل واجاوب وسألت كل اللى معايا فى البيت نفس السؤال وكان نفس الرداللى اختلف الشتيمة حسب اخلاق كل واحد فينا .
المهم تانى يوم الصبح بافتح الجزيرة لقيت برنامج عن طفل مصرى اسمة محمود وائل والدة دكتور الولد شكلة زى العسل عامل زى العباقرة اللى بيجيبوهم فى افلام الاطفال شعرة مفلفل ونظارتة كبيرة علية وصغير جدا جدا جدا
فى حضانة من الاخر يعنى اول حاجة سمعتها بيقول نفسى اخترع صاروخ صغنن يتركب على ظهر الواحد يطير بية بدل العربيات وسالتة المذيعة 555×555 على ما اتهزيت ادور عالقلم كان قايل 308025
يا نهار ازرق .
الولد دة فى مدرسة اسمها تقريبا لايف سكول او الارض المخضرة حسب ما كانوا مصورين شهاداتة البية عبقرىذكاء فوق العادة والدة ومدرستة ابلغوا عنة جمعية خاصة اسمها جمعية رعاية العباقرة وبجهود ذاتية وصلوا لان الجامعة الامريكية فى البداية قررت تدى للطفل منحة مخفضة خمسين فى المية لدراسة اللغة عندها ولما قابلوا الطفل واختبروة طبعا قدروة وقرروا يدرس عندهم لمدة سنتين مجانا.
خدوا التانية بقى شركة سنيرجى التابعة لميكروسوفت فى الشرق الاوسط سمعت عنة علطول اخدتة كورسات مجانية لدراسة التعليم والبرمجة ودى شركة من اهم اهتماماتها متابعة العباقرة وكمان الاكاديمية البحرية قبلت الطفل يدرس فيها كورساااااااااات للحصول على بكالوريووووووووس .
الواد لو قعد يدرس مواد الدراسة العادية بتاعة مدارسنا بى فور بوك والهطل دة هايجيلوا تخلف والجامعة الامريكية منزلالة مناهج خاصة يدرسها ووزارة التربية والتعليق ما عندهاش اى فكرة عن الولد دة وكل الموافقات والاتصالات والتعلب فات اتعمل للواد عن طريق المعارف والحبايب سواء من ابوة او من جمعية رعاية العباقرة ولا انا ولا انتم نعرف اى حاجة عن طفل زى دة ويمكن لو حد بلغ الوزارة ان الواد طلع فى الجزيرة امن الدولة يجيب ابوة الصبح وجمعية العباقرة تتقفل ويشدوا بتاع مايكروسوفت عشان اتقال ان الوزارة ما ساعدتهمش ولا بترعى الولد.
قوم اية ؟ جة تانى فى راسى سؤال صديقى الصغير سنا وليد؟ هيا امريكا لو فتحت باب الهجرة 48 ساعة يا وليد طفل زى دة مش حرام يقعد هناوطلع ان المشكلة مش فى امريكا المكان.
قوم اية ؟ جة تانى فى راسى سؤال صديقى الصغير سنا وليد؟ هيا امريكا لو فتحت باب الهجرة 48 ساعة يا وليد طفل زى دة مش حرام يقعد هناوطلع ان المشكلة مش فى امريكا المكان.
المشكلة فى مصر الدماغات
