بيهاجموا الشباب وبيقولوا عاملين لغه جديده هايفه وملهاش اى لازمه ولا لها دعوة بلغتنا الاصليه.رغم ان الحكومه ادت لنفسها الحق وعملت لغه جديده هايفه وبرضه ملهاش لازمه ولا لها اى دعوة بالاصول لا من قريب ولا من بعيد ولو حسبناها حنلاقى ان كل ما يطلع مصطلح حكومى جديد بيقابله واحد شبابى شعبى ردا عليه.ولو لمينا كلام الحكومه على كلام الشباب حنلاقيه بيكمل بعضه يعنى:
احنا فى مصر اكسكلوسف بنعيش عصر ديموقراطيه طحن.والحكومه بتتعامل مع الشعب بخ ..يعنى بشفافيه جامده اخر حاجه...وأكيد حاسس بدة من خلال الداخليه اللى مشهيصه الشعب فى اقسام الشرطه تاخد المواطن من دول تظبّطه يطلع من عندهم مهييس.والرئيس منفّض وسايب الليله لأبنه جمااال لأنه شاب كووول زينا هو وأصحابه الوزرا المأنتمين الرووشين اللى خللوا الحياه جدا جمييله جدا ظريفه.
فياريت تكبّروا دماغكوا من مرووجى الاشاعات المنفسنين والمحرضين للعمال وبتوع المظاهرات اللى هيتعمللهم جيم اووفر.. لان الناس دى نوو واى دى ناس عميله ومأكسزه ومتنساش برضه ان الحريه ليها سيستم وسقف وليميت محدد.. فياريت تفك نفسك من المصداقيه والحراك السياسى هتلاقى الحياه بييس.....وتيك كييييييييير بلاش تكّدّر الامن العام علشان الامن العام لازم يفضل كوايت ومستكنييص من غير تكدير والا هتلاقى نفسك باونس ومتوجة لك تهمه اهانه الرئيس وانت عارف ان الرئيس بتاعنا حد جميل حد ظريف.. وبكرة جيمى ييجى هايزروطلك الجى ويليطلك الدى.
وياجماعه بليييز بلييز محدش ينسى ان احنا كشعب جروووب كده حضارة سبع الاف سنه يعنى الفيوو من هنا بيووتيفوول ودى اهم حاجه... ياريت يبقى فيه اندر ستاندنج ...وتيييك كييير. باى
