فى كل بلاد العالم بيكون اسم الوزارة على أساس وظيفتها ومهمتها.لكن فى مصر أسم الوزاره على مسماها؟
محدش فاهم طبعاً.. ومن منطق نحن نختلف عن الأخرين والرياده لها ناسها واحنا بتوع ال7 ألاف سنه واكفى القدرة على فمها تطلع الوزاره على اسمها
بمعنى:
وزاره الأوقاف: وهى المعنيه بوقف كل داعيه وخطيب وامام مسجد عن العمل لأسباب نعلمها جميعاً.
ــــــــــــــــــــــ
وزارة الداخليه: وهى الوزاره التى تهتم بكل ماهو داخلى للمواطن المصرى ملابسه الداخليه.أفكاره الداخليه.أعضاء جسمه الداخليه يعنى وزاره اللانجيرى.
ــــــــــــــــــــــ
وزارة العدل: صدر 1000 حكم قضائى ضد وزير العدل ورفض تنفيذهم معظمها صادرة لصالح قضاه.فالمساواة فى الظلم عدل
ــــــــــــــــــ
وزارة التعليم العالى: وسمى بالعالى لعلو مصاريفه ولغينا التربيه.
ــــــــــــــــــــــــــــ
وزارة الخارجيه: هى الوزارة التى أخرجت المصريين العاملين فى الخارج خارج حساباتها.
ــــــــــــــــــــــــ
وزارة الصحه: للاطمئنان على صحه الناجين من الحوادث والكوارث
ـــــــــــــــــــــ
وزارة الدفاع:؟؟؟؟؟؟؟ معدش فى حاجه ندافع عنها.
ـــــــــــــــــــ
الأمن المركزى: التركيز على أعداء الوطن فى الداخل ولا علاقه له بالأمن عموماً هذا مجرد تشابه اسماء.
ـــــــــــــــــــــ
ولسه الوزارة الجديده بتاعه النووى سمعت انهم هيسموها وزارة ميلكانا علشان هتبقى بالطاقه مليانه.
