زمان لما كان الفرنسيين محتلين مصر جاتلهم شوطة قتل ونهب وسرقة وكملوها انهم دخلوا ودنسوا الأزهر طبعا مشايخ الأزهر هبوا ولكن للأسف... قاموا بتقبيل الأعتاب وطلبوالعفو والسماح.. الموضوع دة اثار الشعب جدا فقامت حرب عصابات: خطف وقتل جنود الفرنسيس زى ماكانوا بيسموهم للانتقام منهم وبعدين لما هدأت الثورة انطلقت النكت السياسية من المصريين ضدالفرنسيين عن فسادهم وسبهم واهانتهم من خلال النكت وزادت النكت حتى انزعج نابليون ذات نفسيتة... عمل اية؟؟ من هنا بقى ركزوا معايا اللة يكرمكم..
امر رجال الشرطة بالأنطلاق فى الأسوق والحمّامات العامة والقهاوى والتنبية على الناس
بالتالى :((ترك الفضول والكلام واللفظ فى حق الفرنسيس)) وفى نهاية الاوامر قالو:((من كان يؤمن باللة ورسولة واليوم الأخر فلينتة ويترك الكلام فى ذلك فإن فى ذلك مما يهيج العداوة!!!))
الكلام دة أنا قريتة بعينية دول فى كتاب عادل حمودة : نكت سياسية
لقيت أن الزمن كان واقف مكانة..
= يانهار ازرق سب الفرنسيس واهانة الرئيس والحزب الوطنى؟؟؟
= دة يثير العداوة والبغضاء ودة يكدر السلم العام..
= نابليون اطلق رجال الأمن للقبض على من يفعل ذلك وكذلك حبيب العادلى ..
= المفتى ورجال الدين بيطوّعوا الاوامر هناك وهنا برضوالمفتى شغّال الله ينوّر..
= عقاب من يسب الفرنسيين القتل اوالضرب اوالسجن..إحنا هنا التلاتة بيتعملوا فى نفس الوقت لا وكمان هوة واهلة وجيرانة واذا كان عاجب..
= منطوق الحكم لهذة الجريمة فى عهد نابليون ((ان هذا الشخص تفوّة بالفاظ تحض على الكرهية للنظام والتحقير من شأنة)) يا سبحان اللة هوة نفس المنطوق بعينة بغباوتة.
الله يرحمك يا ستى محاسن..
= انا از فرحت قوى قوى لما اكتشفت ان الفرنسيس لسة هنا وبيحكمونا رغم حقدالحاقدين وبيعلمونا غلط ويقولوا هزمناهم وطردناهم ومصر حرة ونابليون أصلا لسة عايش حى يرزق وبصحة جيدة ولازال سارى عسكر شغّال مية مية,
ووسع طريق لكليبر جاى فى السكة عالحنطور يتحنطر...
ياترى انت فين بقى يا سليمان يا حلبى ؟؟؟؟
