قضية جزيرة القرصاية يتناولها الجميع
الإعلام بإلقاء الضوء عليها.العاملون بمجال حقوق الإنسان.ناشطون سياسيون.ناشطو انترنت.وكثير ممن لهم باع فى العمل القومى والإنسانى والحقوقى فهم أقدر منى على عرض القضية
والتصدى لها ومحاولة إيجاد حلول أما أنا فقد ذهبت إلى الجزيرة ولا أملك شيئاً لهؤلاء المصريين البسطاء سوى مشاعرى
وذهبنا إلى القرصايه:
مش هاحكى عن القرية وقضيتها مع الحكومة المصرية للأسف أنا هحكى عن حوارين داروا بينى وبين أطفال الجزيرة الحوار الأول كان مع بنتين فى الصف الأول الإعدادى توأم قلتلهم:
كل سنة وانتوا طيبين...جزيرتكوا جميلة زيكوا...فى سنة كام؟!..قلولى أولى إعدادى...سألتهم.وعاملين ايه فى امتحانات نصف السنة قالولى:إمتحانات إيه يا أبله؟إحنا بنقعد فى الفصل تايهين كل يوم بنطلع خايفين يكون أخر يوم فى الجزيرة وإحنا راجعين بنبص من بعيد نشوف الحكومة رمت أهالينا وعفشنا رة وللا لسة؟وكله كوم يا أبلة ولما ييجى الليل بنبقى إحنا والجيش والأمن المركزى لوحدنا على الجزيرة بنبقا مستنيين يخشوا علينا فى أى لحظة نقعد نحط حاجات ورا الباب ونجهز عصيان مش بننام واللة ياأبلة.
أما الحوار التانى ودا حوار كارثة كان مع مجموعة أطفال أكبرهم لا يزيد عمرة عن سبع سنوات أو أصغر:
سألة اسمك إيه ياحبيبى؟ قاللى عيد جودة. قلتلة انت عارف إيه اللى بيحصل هنا؟ أيوة فاهم :عاوزين يرمونا برة الجزيرة ويدوها لمستثمرين..سألتة يعنى إيه مستثمرين ياعيد؟..قاللى ناس سعوديين أو من قطر والبلاد دى ياخدوا منهم فلوس ويدوهم الجزيرة ويرمونا إحنا برة ويضحكوا علينا ويقولولنا هند يكوا شقق طبعاً فى أخر الدنيا وصغيرة طب و العوايل اللى عايشه مع بعضها فى بيت واحد؟ طب وأرضنا.طب أنا بحب الجزيرة ليه يحرمونى منها
دخلت طفلة فى الحديث قالت إشمعنا الجزيرة دى؟ولية مش من زمان دا سيدى مولود هنا والجيش يضربنا لية؟: قلتلها طب وإفرضى طلعوكوا غصب رد عيد :يعنى هيضربونا ماهم ضربونا قبل كدة مش خايفين..يموتونا بس مش هنسيب الجزيرة قلتله طب واذا خدوا ابوك وأمك وسجنوهم قاللى ميهمناش الناس كلها عارفة إن احنا على حق قلله بتحب الجيش والشرطة ياعيد؟
قاللى لاء..ردت الطفله الأخرى قالتلى كنت بحبهم زمان لكن دلوقتى لما بشوفهم باللانش جايين ناحيه الجزيرة بخاف وأطلع أجرى...وسألنى عيد السؤال الذى أخرسنى ياأبلة أنا عاوز أعرف لو واحد مصرى معاة فلوس وعاوز يشترى حتة أرض عجباة فى السعودية مثلاً الجيش السعودى هيضرب السعوديين ويبهدلهم ويرميهم برة أرضهم عشان يديها للمصرى حاولت أنطق وقف لسانى كل اللى عملتة إنى بوست راس هذا الرجل الطفل الذى يعيش فى بلد المفروض إنها بلد الأمن والأمان وبدورى أرفع هذا السؤل للسيدة الفاضلة راعية كل طفل فى هذا البلد وإلى السيد الرئيس حسنى مبارك بماذا أجيب على هذا الطفل
.مرفق صورة للولد اللى كتمنى عيد جودة والامورة التانية هيا اللى كانت مشتركة فى الحوار

 
Copyright © 2010 لامؤاخذه مصرية | Design : Noyod.Com