معنديش جديد أقوله لو عايز تعرف أنا عاوزه أقول إيه إقرا البوست اللي فات بس شيل إسم ((عمرو صلاح)) وحط إسم ((أحمد عيد)) وكل يوم إفتح البوست وإقراه من أول وجديد وشيل الأسم اللي موجود وحط إسم جديد وممكن يكون برضو إسم من الأسماء اللي إتقالت قبل كده وارد جداً وممكن كلهم مع بعض وممكن يكون إسم حد من ولادي أو أسمي أنا شخصيا البوست دا هوا عنوان كتابات المرحله القادمه زي ما كان برضو عنوان كتابات المرحله السابقه وهنغير البوست ليه ما إحنا هننتقل من مبارك لمبارك ربنا ما يجيب تغيير معنديش حاجه جديده أكتبها لأني مواطنه صالحه مش هاخرج عن النظام ونظامي كل اللي عمله في التغيير هوا تغيير الإسم فقط فتسهيلاً علي الناشطين والمدونين الحكومه وفرت لنا أوبشن جديد بوست واحد تدخل تغير فيه الإسم فقط يومياً معنديش جديد لأني ((لا مؤاخذه مصريه)) زيّي زي نظام بلدي معندناش جديد ودا في علم السياسه المصريه بس دوناً عن العالم كله لأن مصر مش محتاجه أفكركوا ((ليها خصوصيه)) بيقولوا عليه الإستقرار..
